Pasko sa harong ni Santa Ana

Sunod sa harong kan pamilya mahihiling an tunay na kahulugan kan kapaskuhan sa selebrasyon sa simbahan.
Hilngon ta an kahulugan kan liturhiya na ginibo sa satong simbhan:

Misa sa Pasko

Sa misa sa matangang banggi kan Pasko, tinawan nin importansya sa liturhiya an imahen kan pagkamundag ni Jesus sa puso kan mga tawo, orog na sa mga nagtitios ngonyan na natapos pa sana an dakulang kalamidad huli kan bagyo.

An liturhiya pinunan sa paagi kan palabas kan mga aki na ipinapahiling an imahen kan komunidad kan presenteng sitwasyon kan mga kaakian. Sa ginibong “Panunuluyan,” imbes na harong an dadagosan ninda Jose asin Maria, tolong makamundong sitwasyon o istorya kan mga kaakian an ipinahiling: pag-aabuso sa mga aki (exploitation and forced labor) sa enot na harong; mga aking nagigin kriminal sa ikaduwang harong; asin mga aking inaabuso sa laog kan saindang pamilya sa ikatolong harong. An hapot, saen madagos an Kagurangnan sa mga aking ini? Pano mahiling an imahen nin Diyos sa sainda.

Sa homiliya ni Msgr. Gilbert Garcera, H.P., an namayo kan Banal na Misa, saiyang tinawan nin doon an kahalagahan kan pamilya asin an responsibilidad kaini sa satong komunidad.

An Misa tinawan pa man nin kolor kan mga aking kuminanta nin Christmas carols asin luminibot sa pagkolekta kan mga dolot kan tawo para sa mga naapektohan kan bagyo.


Misa sa Bagong Taon

Sa Misa kan Enero 1 sinelebrar an pagpadagos kan kapaskuhan, an Solemnidad ni Birhen Maria bilang Ina nin Diyos, asin an ika-40ng World Day of Peace.

Sa pagpoon kan Misa ginibo an liturhiya kan ilaw asin an pagwirik nin benditong tubig sa paghagad nin bendisyon sa Mahal na Diyos sa pagsabat kan bagong buhay sa bagong taon. Dangan ginbo man sa liturhiya an pagtao nin omaw ki Birhen Maria.

An namayo kan Banal na Misa iyo si Rdo. Padre Norlan H. Julia, S.J..

Sa saiyang homiliya, sinadol ni Fr. Norlan an mga tawo “to Dream, Believe and Surrender.” Sinabi niya na an Pasko nagpoon sa pangaturogan (Dream!) kan Diyos para sa kaligtasan nin kinaban. Alagad an pangaturogan na ini nautob lang huli sa pagtubod (Believe!) ni Maria, asin huli sa pagdusay (Surrender!) ni Jesus kan saiyang sadiri sa kabotan kan Ama.”

Ginibo an pagpahadok sa Niño Jesus pagkatapos kan mga Misa sa Pasko asin Bagong Taon.