by AYLA LUNAR
KATORSENG PARES nin mag-aragom an nag-ako kan sakramento nin matrimonyo sa ginibong “Mass Wedding” kan Disyembre 31, an Solemnidad kan Sagrada Familia, sa Parokya ni Santa Ana, Magarao.
Sabi ni Mr. & Mrs. Marvin Felizardo kan Brgy. San Bell, an pinakahoben sa mga ikinasal, “Bilang saro sa mga ikinasal, namatean mi na kumpleto na asin tunay an samuyang pagigin mag-agom sa mata kan tao asin Mahal na Diyos. Kaya nagpapasalamat kami sa mga taong nagtabang na kami makasal.” Asin sabi man kan pinakagurang sa ikinasal, Mr. & Mrs. Felix Cea kan Brgy. Santo Tomas, “Haloy nang plano an pagpakasal huli ta an mga aki nagdadarakula na, kaso may helang an saro samuya. Naoogma kami huli ta makakakumunyon na kami ngonyan. Dakulang pasasalamat mi sa Diyos sa tinaong grasya.”
An rito nin pagkasal ginibo alas-syete nin aga sa simbahan kan Magarao. Sinundan ini kan Banal Misa sa kaomawan kan Sagrada Familia ni Jose, Maria asin Jesus. Sa mahalagang okasyon na ini para sa pamilya, ginibo sa laog kan Misa an Pagbago kan mga Panuga sa Kasal, an Pamibi ki Santa Ana para sa Buhay-pamilya, asin an Pagbendisyon sa mga Pamilya. Sa homiliya ni Msgr. Buentiempo, an kura paroko, sinabi niya, “Sa buhay-pamilya, dapat buhay an pagkuyog sa kabotan kan Diyos asin siya an dapat na gibohon na pundasyon kaini.”
Inapod an mga wedding jubilarians na yaon sa Misa. Maogmang nahiling kan tao na nagtindog sinda Mr. & Mrs. Felixberto Encinada kan Brgy. San Juan na nagcelebrar kan ika-50ng anibersaryo nin pagkasal sa taon 2006, asin si Mr. & Mrs. Oroseo Tuy, Sr. kan Brgy. San Isidro, ika-40ng anibersary.
KATORSENG PARES nin mag-aragom an nag-ako kan sakramento nin matrimonyo sa ginibong “Mass Wedding” kan Disyembre 31, an Solemnidad kan Sagrada Familia, sa Parokya ni Santa Ana, Magarao.
Sabi ni Mr. & Mrs. Marvin Felizardo kan Brgy. San Bell, an pinakahoben sa mga ikinasal, “Bilang saro sa mga ikinasal, namatean mi na kumpleto na asin tunay an samuyang pagigin mag-agom sa mata kan tao asin Mahal na Diyos. Kaya nagpapasalamat kami sa mga taong nagtabang na kami makasal.” Asin sabi man kan pinakagurang sa ikinasal, Mr. & Mrs. Felix Cea kan Brgy. Santo Tomas, “Haloy nang plano an pagpakasal huli ta an mga aki nagdadarakula na, kaso may helang an saro samuya. Naoogma kami huli ta makakakumunyon na kami ngonyan. Dakulang pasasalamat mi sa Diyos sa tinaong grasya.”
An rito nin pagkasal ginibo alas-syete nin aga sa simbahan kan Magarao. Sinundan ini kan Banal Misa sa kaomawan kan Sagrada Familia ni Jose, Maria asin Jesus. Sa mahalagang okasyon na ini para sa pamilya, ginibo sa laog kan Misa an Pagbago kan mga Panuga sa Kasal, an Pamibi ki Santa Ana para sa Buhay-pamilya, asin an Pagbendisyon sa mga Pamilya. Sa homiliya ni Msgr. Buentiempo, an kura paroko, sinabi niya, “Sa buhay-pamilya, dapat buhay an pagkuyog sa kabotan kan Diyos asin siya an dapat na gibohon na pundasyon kaini.”
Inapod an mga wedding jubilarians na yaon sa Misa. Maogmang nahiling kan tao na nagtindog sinda Mr. & Mrs. Felixberto Encinada kan Brgy. San Juan na nagcelebrar kan ika-50ng anibersaryo nin pagkasal sa taon 2006, asin si Mr. & Mrs. Oroseo Tuy, Sr. kan Brgy. San Isidro, ika-40ng anibersary.
No comments:
Post a Comment